التعليم للجميع

أنا بنتي بدأت تتلقى كورسات في المركز منذ ثلاث أعوام تقريبًا ولاحظت فرق كبير في النطق أثناء القراءة حتى طريقة كتابتها لدرجة أن مدرسي المدرسة أرسلوا لي طلب حضور وعندما ذهبت سألتني مدرسة الماث عمن كتب لها في الكراسة لأنها لم تصدق أنه خطها. وقمت بطلب لدخول أخيها للتعلم مثلها وبالفعل نفس الاختلاف في الخط والنطق لدرجة ان الاولاد أحيانا يقومون بتعديل قراءاتي وطريقة نطقي للكلمات فإذا أخطأت يصححون لي النطق. أنا سعيدة جدًا بذلك.
ويكفي أنهما يحبان الذهاب للمركز ويتضايقان عندما ينتهي الكورس أي أنهما يريدان المزيد.
أشكر حضراتكم شكرًا جزيلًا على مجهودكم. أصبحت لا أجد صعوبة في تعليمهم اللغة الانجليزية.
لكم جميعا التقدير والشكر والاحترام لكل فرد من أفراد المركز..وشكر وتقدير خاص للأستاذ حسن خاطر لما قام به من مجهود لتوصيل المركز لهذا المستوى

مركز ممتاز وراقي جدا وكل اللي فيه على مستوى عالٍ من الكفاءة والأخلاق والتفهم، وابني تحسن كثيرا على ايديهم وياريتنا عرفناه من زمان.

أنا أحب أوجه الشكر والتقدير للمركز الكندي على تعامله الراقي والمحترم جدًا… وبشكر فريق التدريس المحترف والراقي في هذا المركز لتعاونه معنا للنهوض بأولادنا في المستوى الدراسي والعلمي وموضوع التدريب وفكرة الدراسة هام للغاية لأولادنا.
وننتظر مزيد من النجاح والتقدم والاستمرار بالتوفيق والسداد بإذن الله.
خالص محبتنا ونخص بالذكر المدرسة/ تسنيم وباقي فريق العمل.

الحمدلله بنتي وصلت المستوى الأخير والنتيجة أحسن ما توقعت مع بنتي بجد اختلفت جدا في حاجات كتير وكمان الأسلوب والشخصية وقدرتها على الاستمرار في المذاكرة عن الأول وأنا كمان اتعلمت من المركز والمجموعة الجميلة اللي اتعاملت معاهم من ميس تسنيم وميس هيام وأستاذ حسن الكثير في حياتي واختلفت كل حاجة بالأمانة
وكمية الطاقة الايجابيىة اللي استمتعت بها فعلا كل الشكر لهم جميعا وانصح اي شخص عنده تعسر الاستمرار لإن التوقف في أي مرحلة مش هيجيب النتيجة المطلوبة.
كل الشكر والاحترام للمركز

والله بنتي تطورت كتير جدًا الحمدلله مش بس في القراءة والكتابة دي تطورت كمان في الاستيعاب والإدراك وشخصيتها فرقت كتير حقيقي والله ربنا يباركلكم.

حابّة أشكر المركز بكل من فيه على حسن المعاملة والمجهود المبذول.
وأخص بالشكر مس هيام الطيبة، الحنينة، الصبورة على كل مجهودها المبذول مع ابني، حيث انطلقت به في اللغة العربية.

فعلا في تطور ملحوظ حصل لحمزة، سرعة قراءته زادت وثقته بنفسه زادت حتى لو في كلمات حجمها كبير بيحاول يقرأها وكثير منها بينطقها صح مع انها جديدة عليه وكتاباته للحروف مشبكة جميلة ما شاء الله
وكفاية انه مش حاسس ان الكورس عبء أو ضغط عليه شكرا لميس تسنيم جزاها الله خيرًا ممتازة وتكسب ثقة الطفل ومريحة نفسيًا.

انا ابني كان لا يستطيع القراءة ولما دخلت المركز ابتدا ياخد الكورس لحل هذه المشكلة وابتدا مع الوقت يستهجى ويقرأ وابتديت أحس بتطور مع انتقاله من مستوى لمستوى.
أحب أشكر المركز وأشكر ميس هيام لمجهودها وتعاونها مع ابني.

بالنسبة للانجليزي، آدم كان بيكتب الحروف بالمقلوب ومش بيعرف يقرأ أو يكتب بالانجليزي. بدأنا كورس الانجليزي مع ميس تسنيم بدأ يعرف أصوات الحروف وشكلها، مع الاستمرار والتقدم في المستويات، آدم بدأ يقرأ انجليزي ويكتب دلوقتي ويقدر يعبر عن نفسه. مستواه اتقدم في الدراسة وده فرق معاه نفسيا وزود ثقته في نفسه.
بالنسبة للعربي، آدم كان داخل الكورس مابيعرفش يقرا أو يكتب عربي كويس، وبدأنا في كورس العربي والحمدلله من أول مستوى فرق معاه جدا.
دلوقتي احنا في المستوى الخامس آدم بيقدر يقرا لوحده من غير ما يستهجى الكلام ويقدر يكتب، بقى عنده ثقة في نفسه ومدرسة اللغة العربية في المدرسة مبسوطة من مستواه وتقدمه في اللغة العربية.

المركز الكندي من أحسن المراكز الموجودة في الاسكندرية والله أنا ما ببالغ بيشتغلوا على أشياء مهمة جدا وهي مش بس تعليم وتأسيس الطفل بل على طبيعة كل طفل وتعديل وترشيد سلوكه و IQ الطفل وطريقة التعامل معه مع أن ولادي الاتنين مع بعض بس كل أخ فيهم مختلف عن الآخر.

المركز ممتاز جدا وكل اللي شغالين فيه ممتازين وفرق كتير مع ابني في القراءة سواء في العربي أو الانجليزي
بالتوفيق دايما يارب.